ഇരിട്ടി: പായം പഞ്ചായത്ത് സേഫ്റ്റി കമ്മിറ്റി യോഗം ചേർന്നു. പഞ്ചായത്ത് പ്രസിഡന്റ് പി. രജനി അധ്യക്ഷത വഹിച്ചു. കിളിയന്തറ ചെക്ക് പോസ്റ്റിൽ ആരോഗ്യ വകുപ്പും പോലീസും ചേർന്ന് നടത്തുന്ന പരിശോധനയിൽ കണ്ടെത്തുന്ന രോഗികളെയുംസമ്പർക്ക പട്ടികയിൽ ഉൾപ്പെടുന്നവരെയും ക്വാറന്റൈനിൽ നിർത്തിക്കുന്നതിന് സംവിധാനങ്ങൾ അടിയന്തരമായി ആരംഭിക്കുന്നതിന് ബന്ധപ്പെട്ട വകുപ്പുകളോട് നിർദേശിച്ചു. നിലവിലുള്ള രോഗികളുമായി സമ്പർക്കത്തിലുള്ളവരെ കണ്ടെത്തി ക്വാറന്റൈനിൽ നിർത്തുന്നതിന് വാർഡ് മെംബർമാർ, ആരോഗ്യപ്രവർത്തകർ, ആശാവർക്കർമാർ വാർഡ്തല ജാഗ്രത സമിതി എന്നിവരുടെ നേതൃത്വത്തിൽ അടിയന്തര നടപടികൾ സ്വീകരിക്കാൻ നിർദേശം നൽകി. മുഴുവൻ സമയ കൺട്രോൾ റൂം പ്രവർത്തനം ഇന്ന് മുതൽ ആരംഭിക്കും. കടകൾ ഏഴു വരെയും ഹോട്ടലുകൾ 7.30 വരെയും പ്രവർത്തിക്കുവാൻ തീരുമാനിച്ചു. കെയർ സെന്ററിൽ ആവശ്യമായ അടിസ്ഥാന സൗകര്യങ്ങൾ ഒരുക്കുന്നതിനും വാർഡുതല ആർആർടീമിൽ പുതിയ ആളുകളെ ഉൾപ്പെടു ത്താനും തീരുമാനിച്ചു.