ഇരിട്ടി: നഗരസഭയുടെ നേതൃത്വത്തിൽ മഴക്കാല രോഗവ്യാപനം തടയാനും കോവിഡ് കാല ശുചിത്വം ഉറപ്പാക്കാനും 20ന് പത്തിടങ്ങളിൽ ബഹുജന ശുചീകരണം നടത്തും. കൂളിച്ചെമ്പ്ര മുതൽ ഇരിട്ടി പുതിയ ബസ‌് സ്റ്റാൻഡ് വരെയുള്ള വ്യാപാര, ജനവാസ കേന്ദ്രങ്ങളെ പത്ത‌് മേഖലകളാക്കി തിരിച്ച‌് നടത്തുന്ന ശുചീകരണത്തിൽ സന്നദ്ധ, യുവജന സംഘടനകൾ, വ്യാപാരികൾ, തൊഴിലാളി വിഭാഗങ്ങൾ, വിവിധ ക്ലബുകൾ എന്നിവർ അണിനിരക്കും.
നഗരസഭാ കൗൺസിലർമാർ, ജീവനക്കാർ എന്നിവർ നേതൃത്വം നൽകും. രാവിലെ എട്ടു മുതലാണ‌് ശുചീകരണം. സംഘാടക സമിതി രൂപീകരണ യോഗത്തിൽ ചെയർമാൻ കെ. ശ്രീലത അധ്യക്ഷത വഹിച്ചു. വൈസ് ചെയർമാൻ പി.പി. ഉസ‌്മാൻ പദ്ധതി വിശദീകരിച്ചു.
കൗൺസിലർമാരായ വി.പി.അബ‌്ദുൾ റഷീദ‌്, കെ.നന്ദനൻ, സ്റ്റാന്‍ഡിംഗ് കമ്മിറ്റി അധ്യക്ഷൻമാരായ കെ.സുരേഷ്, കെ.സോയ, ഹെൽത്ത‌് ഇൻസ‌്പെക്ടർ കെ. കുഞ്ഞിരാമൻ, പി. അശോകൻ, അയൂബ് പൊയിലൻ, പി.കെ. മുസ്തഫ ഹാജി, കെ.സുമേഷ് കുമാർ, കെ.ടി. ജാഫർ, സന്തോഷ് കോയിറ്റി, രതീശൻ കാരായി എന്നിവർ പ്രസംഗിച്ചു.
ഭാരവാഹികൾ: വി പി അബ‌്ദുൾറഷീദ‌് (ചെയർമാൻ), അയൂബ് പൊയിലൻ, റെജി തോമസ്, പി.വിജയൻ, കെ.സുമേഷ് കുമാർ, നാസർ കേളോത്ത്, മനോഹരൻ കൈതപ്രം ,സന്തോഷ് കോയിറ്റി, രാമകൃഷ്ണൻ എഴുത്തൻ, കെ.രാജേഷ് (വൈസ് ചെയർമാൻമാർ) പി. അശോകൻ (ജനറൽ കൺവീനർ), ഐ.കെ.വിജയരാജൻ, അലി ഹാജി, പി.കെ.മുസ്തഫ ഹാജി, ജാഫർ തൗഫീക്ക്, പി.ശ്യാംജിത്ത്, കെ.ജെ. അപ്പച്ചൻ, രതീശൻ, കെ.ടി.ജാഫർ, പി. സുനിൽകുമാർ, പ്രിജേഷ് അളോറ, സി.കെ.ശശിധരൻ (കൺവീനർമാർ).
ഇരിട്ടിയിൽ ജനകീയ ശുചീകരണം നാളെ
