കീഴ്പ്പള്ളി: കടുത്ത ചൂടില് ഹുരുട്ടി പുഴ വറ്റിവരണ്ടതോടെ പ്രദേശത്ത് കടുത്ത ജലക്ഷാമം. ആറളം ആദിവാസി പുനരധിവാസ മേഖലയിലെ പരിപ്പ് തോട്, ബ്ലോക്ക് 13, ബ്ലോക്ക് 11 മേഖലയിലും കക്കുവ വട്ടപ്പറമ്പ്, വിയറ്റ്നാം മേഖലയിലുമാണ് കുടിവെള്ള ക്ഷാമം രൂക്ഷമായത്.
നിരവധി കുടുംബങ്ങൾ ശുദ്ധജലത്തിനായി ആശ്രയിക്കുന്ന പുഴയാണ് ഹുരുട്ടി പുഴ. മേഖലയിലെ ജനങ്ങള് കാര്ഷിക ആവശ്യത്തിനും ഈ പുഴയെയാണ് ആശ്രയിക്കുന്നത്. കാലാവസ്ഥാ മാറ്റത്തിന്റെ ഭാഗമായി കടുത്ത ചൂടുമൂലം ചെറുതോടുകളും നീര്ച്ചാലുകളും നേരത്തെ തന്നെ വറ്റിയിരുന്നു.
ഹുരുട്ടി പുഴയും വറ്റിയതോടെയാണ് ജനങ്ങള് വെള്ളത്തിനായി നെട്ടോട്ടമോടുന്നത്.
കഴിഞ്ഞ വര്ഷത്തെപോലെ തൊഴിലുറപ്പ്പദ്ധതിയില് ഉൾപ്പെടുത്തി പുഴയ്ക്ക് കുറുകെ തടയണ തീര്ത്തിട്ടുണ്ടെങ്കിലും ഇത്തവണ അതുകൊണ്ടും കാര്യമില്ലാതായി.
നിയമസഭാ തെരഞ്ഞെടുപ്പിന്റെ പെരുമാറ്റച്ചട്ടം നിലനില്ക്കുന്നതിനാല് നിസഹായരായി നോക്കിനില്ക്കാനേ ജനപ്രതിനിധികള്ക്ക് കഴിയുന്നുള്ളൂ. വാഹനങ്ങളില് കുടിവെള്ളം എത്തിച്ച് ജനങ്ങളുടെ ദുരിതത്തിന് കുറച്ചെങ്കിലും ആശ്വാസം പകരാന് ഇലക്ഷന് കമ്മീഷന്റെ അനുമതി തേടിയിരിക്കുകയാണ് പഞ്ചായത്ത് അധികൃതര്.