കണ്ണൂർ: കണ്ണൂർ പയ്യന്നൂർ എടാട്ട് ഗര്ഭിണിയായ യുവതിയെയും കൊണ്ട് ആശുപത്രിയിലേക്ക് പോയ വാഹനം ബിജെപി പ്രവര്ത്തകര് ആക്രമിച്ചു. ഗുരുതരമായി പരിക്കേറ്റ യുവതിയെ ആശുപത്രിയിൽ പ്രവേശിപ്പിച്ചു.
ചെറുതാഴം സ്വദേശിനി നാസിലയെ ആണ് കാറില് ആശുപത്രിയില് കൊണ്ടുപോകുന്ന മദ്ധ്യേ ബി.ജെ.പി പ്രവർത്തകർ ആക്രമിച്ചത്.
എടാട്ട് വച്ച് ബിജെപി കല്യാശേരി മണ്ഡലം റോഡ് ഷോയില് പങ്കെടുത്ത ബിജെപി പ്രവര്ത്തകര് ഇവര് സഞ്ചരിച്ച വാഹനം തടയുകയും ആക്രമിക്കുകയുമായിരുന്നു.
ബൈക്കുകളിലെത്തിയ ഇരുപതോളം പേരാണ് വാഹനം തകര്ത്തത്. സംഭവത്തില് പയ്യന്നൂര് പോലീസ് കേസെടുത്തു.
അതേസമയം, ആക്രമണം നടത്തിയിട്ടില്ലെന്നാണ് പ്രാദേശിക ബിജെപി നേതാക്കള് നല്കുന്ന വിശദീകരണം