ഇരിട്ടി: നിയമസഭാ തിരഞ്ഞെടുപ്പ് പ്രഖ്യാപിച്ച സാഹചര്യത്തിൽ ലഹരി,കള്ളപ്പണം കടത്തൽ തുടങ്ങിയവ തടയുക എന്ന ലക്ഷ്യത്തോടെയാണ് കേരള കർണാടക അതിർത്തിയായ കൂട്ടുപുഴയിൽ പോലീസ് 24 മണിക്കൂറും പരിശോധന കർശനമാക്കിയത്. കൂട്ടുപുഴ പാലത്തിനു സമീപത്താണ് പോലീസ് കർശന പരിശോധന നടത്തുന്നത്. കേരളത്തിലേക്ക് മാക്കൂട്ടം ചുരംപാത വഴി വരുന്ന വാഹനങ്ങളാണ് പരിശോധിക്കുന്നത്. തിരഞ്ഞെടുപ്പ് കഴിയുന്നത് വരെ പരിശോധന തുടരാനാണ് തീരുമാനം.