കല്ലുവയലിൽ തേനീച്ചയുടെ കുത്തേറ്റ് അഞ്ച് പേർക്ക് പരിക്ക്………

ഇരിട്ടി: കല്ലുവയലിൽ തേനീച്ചയുടെ കുത്തേറ്റ് 5 പേർക്ക് പരിക്കേറ്റു . വലിയമറ്റം രാജു , പി. ജി. രാജൻ, എൻ . ബാബു, സോമരാജൻ, എന്നിവർക്കാണ് പരിക്കേറ്റത്. പരിക്കേറ്റവരെ ശനിയാഴ്ച ഉച്ചക്ക് 2 മണിയോടെയായിരുന്നു സംഭവം. ഇരിട്ടി ഫയർഫോഴ്സും , സിവിൽ ഡിഫൻസ് പ്രവർത്തകരും ചേർന്ന് ഇരിട്ടി താലൂക്ക് ആശുപത്രിയിൽ പ്രവേശിപ്പിച്ചു.
ശനിയാഴ്ച ഉച്ചക്ക് 2 മണിയോടെയാണ് തേനീച്ചകൾ കൂട്ടത്തോടെ നാട്ടുകാരെ ആക്രമിച്ചത്. ഭീതിയിലായി നാട്ടുകാർ വിവരമറിയിച്ചതിനെത്തുടർന്ന് ഇരിട്ടിയിൽ നിന്നെത്തിയ അഗ്നിശമന സേനയും , സിവിൽ ഡിഫൻസ് ടീമും സ്ഥലത്തെത്തി സുരക്ഷാ കവചം ധരിച്ചാണ് തേനീച്ച കുത്തേറ്റവരെ ആശുപത്രിയിൽ പ്രവേശിപ്പിച്ചത്. ഇരിട്ടി സ്റ്റേഷൻ ഓഫീസർ സി.പി. രാജേഷിന്റെ നേതൃത്വത്തിൽ പി.ആർ. സന്ദീപ്‌ , സുരേന്ദ്ര ബാബു , ജോർജ്ജ് തോമസ്, വിനോയി എന്നിവരും സിവിൽ ഡിഫെൻസ് വോളന്റിയർമാരായ പ്രബീഷ്‌, അനീഷ്, അരുൺ , ഡോളമി എന്നിവരും വാർഡ് മെബർ സിബി കാവനാലും രക്ഷാപ്രവർത്തനത്തിന് നേതൃത്വം നൽകി.