ഇരിട്ടി : യുണൈറ്റഡ് ടീച്ചേഴ്സ് ആൻഡ് എംപ്ലോയീസ് ഫെഡറേഷൻ ഇരിട്ടി താലൂക്ക് കമ്മിറ്റിയുടെ നേതൃത്വത്തിൽ ഫിബ്രവരി 10ന് നടക്കുന്ന പണിമുടക്ക് വിജയിപ്പിക്കുന്നതിൻ്റെ ഭാഗമായാണ് ഇരിട്ടി താലൂക്ക് തല സായാഹ്നധർണ ഇരിട്ടി പഴയ ബസ് സ്റ്റാൻഡിൽ നടന്നു. കെപിസിസി സെക്രട്ടറി ചന്ദ്രൻ തില്ലങ്കേരി ഉദ്ഘാടനം ചെയ്തു. കെ പി എസ് ടി എ സംസ്ഥാന കമ്മിറ്റി അംഗം കെ .രാജൻ മാസ്റ്റർ അധ്യക്ഷത വഹിച്ചു. കെ. പി. വിനോദ്, സനൽ കുമാർ, ആർ .കെ. സദാനന്ദൻ, കെ. ശ്രീകാന്ത് ,ടി. സി. തോമസ്, കെ. വി. വിജേഷ് ,ഷിൻ്റോ അലക്സ് , പി. സുനിൽ തുടങ്ങിയവർ സംസാരിച്ചു.