അടുത്ത നാലു ദിവസം കൂടി സംസ്ഥാനത്ത് ഒറ്റപ്പെട്ട കനത്ത മഴയ്ക്കു സാധ്യതയെന്നു കാലാവസ്ഥാ നിരീക്ഷണ കേന്ദ്രം.യെല്ലോ അലര്ട്ട് 11 ജില്ലകളില് പ്രഖ്യാപിച്ചു.24 മണിക്കൂറില് ഏഴ് മുതല് 11 സെന്റീമീറ്റര് വരെയുള്ള കനത്ത മഴയ്ക്കാണ് ഒറ്റപ്പെട്ട പ്രദേശങ്ങളില് സാധ്യത. വ്യാഴവും വെള്ളിയും തിരുവനന്തപുരം, കൊല്ലം, പത്തനംതിട്ട ഒഴികെയുള്ള ജില്ലകളില് യെല്ലോ അലര്ട്ട് പ്രഖ്യാപിച്ചു. ശനി, ഞായര് ദിവസങ്ങളിലും കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് യെല്ലോ അലര്ട്ട് പ്രഖ്യാപിച്ചു. ആലപ്പുഴയില് വ്യാഴവും മലപ്പുറം ജില്ലയില് ശനിയാഴ്ചയും യെല്ലോ അലര്ട്ട് പ്രഖ്യാപിച്ചതായും കാലാവസ്ഥാ നിരീക്ഷണ കേന്ദ്രം അറിയിച്ചു
previous post