മട്ടന്നൂർ: മട്ടന്നൂര് നിയോജക മണ്ഡലത്തെ കാര്ബണ് ന്യൂട്രല് മണ്ഡലമായി മാറുന്നു. ഓന്നാം ഘട്ട പ്രവര്ത്തനമെന്ന നിലയില് മണ്ഡലത്തിലെ സ്കൂളുകള്ക്ക് പത്ത് വീതം മുളത്തൈകള് വിതരണം ചെയ്തു. മട്ടന്നൂർ മണ്ഡലത്തിലാകെ വ്യാപിപ്പിക്കാന് ഉദ്ദേശിക്കുന്ന ഈ പദ്ധതിയുടെ ആദ്യഘട്ടം എന്ന നിലയിലാണ് സ്കൂളുകളില് മുളത്തൈകളുടെ വിതരണം ചെയ്തത്.
മട്ടന്നൂര് നിയോജക മണ്ഡലത്തിലെ സമഗ്ര വിദ്യാഭ്യാസ പുരോഗതി ലക്ഷ്യംവച്ച് എംഎല്എയുടെ നേതൃത്വത്തില് ആരംഭിച്ച തരംഗം സമഗ്ര വിദ്യാഭ്യാസ പദ്ധതിയുടെ ഭാഗമായി മണ്ഡലത്തിലെ വിവിധ സ്കൂളുകളില് വിവിധങ്ങളായ പദ്ധതികള് സംഘടിപ്പിച്ചു.
മണ്ഡലത്തിലെ സ്കൂളുകളില് അടിസ്ഥാന സൗകര്യ വികസനം, നീന്തല് പരിശീലനം, സൈക്കിള് പരിശീലനം, ചിത്രരചനാ ക്യാമ്പുകള് ഉള്പ്പെടെ വിവിധങ്ങളായ പാഠ്യ പാഠ്യേതര പ്രവര്ത്തനങ്ങള് ഇതിനോടകം നടത്തിക്കഴിഞ്ഞു. പദ്ധതിയുടെ അടുത്ത ഘട്ടം എന്ന നിലയിലാണ് കാര്ബണ് ന്യൂട്രല് മണ്ഡലമായി മാറ്റുന്നത്. സമഗ്ര വിദ്യാഭ്യാസ പദ്ധതിയുടെ ഭാഗമായി തിരുവനന്തപുരം കിംസ് ഹെൽത്തുമായി സഹകരിച്ചാണ് പദ്ധതി നടപ്പാക്കുന്നത്. മട്ടന്നൂർ കൈലാസ് ഓഡിറ്റോറിയത്തിൽ നടന്ന ഹരിതം ശിൽപശാല കെ.കെ. ശൈലജ എംഎൽഎ ഉദ്ഘാടനം ചെയ്തു. നഗരസഭ ചെയർ പേഴ്സൺ അനിത വേണു അധ്യക്ഷത വഹിച്ചു. കണ്ണൂർ സർവകലാശാല പ്രോ വൈസ് ചാൻസലർ പ്രഫ.എ. സാബു മുളത്തൈകൾ വിതരണോദ്ഘാടനം നിർവഹിച്ചു.
മുളത്തൈകളുടെ സംരക്ഷണത്തെക്കുറിച്ച് കെ.ജെ. അപ്പച്ചൻ ക്ലാസെടുത്തു.