ഇരിട്ടി: കേരളാ വ്യാപാരി വ്യവസായി സമിതി ഇരിട്ടി ഏരിയാ കൺവെൻഷനും, വ്യാപരിമിത്ര ഉദ്‌ഘാടനവും, ആദ്യകാല വ്യാപാരികളെ ആദരിക്കലും, അനുമോദന സദസ്സും, ഞായറാഴ്ച നടക്കുമെന്ന് ഭാരവാഹികൾ പത്രസമ്മേളത്തിൽ അറിയിച്ചു. രാവിലെ 10 മണിക്ക് ഇരിട്ടി ഫാൽക്കൺപ്ളാസ ഓഡിറ്റോറിയത്തിൽ നടക്കുന്ന പരിപാടി ജില്ലാ പഞ്ചായത്ത് വൈസ് പ്രസിഡന്റ് ബിനോയ് കുര്യൻ ഉദ്‌ഘാടനം ചെയ്യും. വ്യാപാരി വ്യവസായി ഇരിട്ടി ഏരിയാ പ്രസിഡന്റ് പ്രഭാകരൻ എടക്കാനം അദ്ധ്യക്ഷത വഹിക്കും. വ്യാപരിമിത്ര ക്ഷേമനിധി ഉദ്‌ഘാടനം നഗരസഭാ ചെയർപേഴ്‌സൺ കെ. ശ്രീലത നിർവഹിക്കും. സമിതി ജില്ലാ സിക്രട്ടറി പി.എം. സുഗുണൻ പദ്ധതി വിശദീകരിക്കും. ആദ്യകാല വ്യാപാരികളെആദരിക്കലും വിവിധ മേഖലകളിൽ കഴിവ് തെളിയിച്ചവരെ അനുമോദിക്കലും വേദിയിൽ നടക്കുമെന്ന് സമിതി ഏരിയാ സിക്രട്ടറി ഒ .വിജേഷ്, പ്രസിഡന്റ് പ്രഭാകരൻ എടക്കാനം, ട്രഷറർ അയൂബ് പൊയിലൻ, ഭാരവാഹികളായ യു.എ. വിശ്വനാഥൻ, ടി.എം. ഫക്രുദ്ദീൻ, പി. രഞ്ജിത്ത്, കെ. അനീഷ് എന്നിവർ പത്രസമ്മേളനത്തിൽ അറിയിച്ചു.