പാചകവാതക കണക്ഷനുള്ള ഡെപ്പോസിറ്റ് തുക വർധിപ്പിക്കുന്നു. നിലവിൽ ഒരു സിലിണ്ടറിന് 1,450 രൂപ എന്നുള്ളത് 2,200 രൂപയാക്കാനാണു നീക്കം. ഇതു സംബന്ധിച്ച അറിയിപ്പ് ഗ്യാസ് ഏജൻസികൾക്കു ലഭിച്ചു കഴിഞ്ഞു. നാളെ മുതൽ എടുക്കുന്ന പുതിയ കണക്ഷനുകൾക്കു വർധിപ്പിച്ച തുക ഈടാക്കണമെന്നാണ് കമ്പനികൾ നിർദേശം നൽകിയിരിക്കുന്നത്.
രണ്ടു സിലിണ്ടർ കണക്ഷൻ എടുക്കുന്നവർ നിലവിൽ ഗ്യാസിന്റെ വിലയടക്കം 7,200 രൂപയോളം നൽകേണ്ടിവരും. ഇരുമ്പിന്റെ വിലവർധനമൂലം ഗ്യാസ് കുറ്റികളുടെ ചെലവു കൂടിയതിന്റെ പേരിലാണ് ഡെപ്പോസിറ്റ് വർധിപ്പിക്കുന്നത് എന്നാണ് കമ്പനികളുടെ ന്യായീകരണം.