കേളകം: അടക്കാത്തോട് ടൗണിലെ കൂറ്റൻ മരം റോഡിലേക്ക് ചാഞ്ഞ് നിൽക്കുന്നത് അപകട ഭീഷണിയിലായി. രണ്ട് ദശാബ്ദത്തോളമായി നാട്ടാർക്ക് തണൽ വിരിച്ച വൻമരം റോഡിലേക്കും, സമീപത്തെ കെട്ടിട ഭാഗങ്ങളിലേക്കും ചെറിഞ്ഞതാണ് അപകട ഭീതിക്ക് കാരണം. തൊട്ട് ചേർന്ന് വൈദ്യുതി ലൈനുകളുള്ളതിനാൽ മരം പൊട്ടിവീണാൽ ജനത്തിരക്കുള്ള ടൗണിൽ വലിയ ദുരന്തത്തിനും കാരണമാകും.
മരത്തിന് ചുവട് ഭാഗത്ത് നിരവധി യാത്രക്കാർ വിശ്രമിക്കുന്ന വെയിറ്റിംഗ് ഷെൽറ്ററും ഉണ്ട്. പാതയോരത്തെ ഭീഷണിയായ വൻ മരം അടിയന്തിരമായി മുറിച്ച് മാറ്റാൻ നടപടിയുണ്ടാവണമെന്ന് വ്യാപാരികളും, നാട്ടുകാരും അധികൃതരോട് ആവശ്യപ്പെട്ടു.
next post