*കേളകം: ഹൈസ്കൂൾ വിദ്യാർത്ഥികൾക്ക് കേന്ദ്ര ഗവൺമെന്റ് നൽകുന്ന ഏറ്റവും വലിയ സ്കോളർഷിപ്പായ നാഷണൽ മീൻസ് കം മെറിറ്റ് സ്കോളർഷിപ്പിന് കേളകം സെന്റ് തോമസ് ഹയർ സെക്കൻഡറി സ്കൂളിലെ നാല് വിദ്യാർഥികൾ അർഹരായി. ആത്മജ മനോജ്, സിദ്ധാർത്ഥ് പി ബിനു, സിദാൻ പിഎസ്, അഭിനവ് ഈ ജെ എന്നിവരാണ് സ്കോളർഷിപ്പിന് അർഹത നേടിയത്. 12000 രൂപ വീതം നാല് വർഷത്തേക്കാണ് ഈ സ്കോളർഷിപ്പ് ലഭിക്കുന്നത്. സ്കോളർഷിപ്പിന് അർഹരായ കുട്ടികളെ നിരവൽ കേളകം ഫെസ്റ്റ് ആദരിച്ചിരുന്നു. വിദ്യാർത്ഥികളെ അധ്യാപകർ അവരുടെ വീടുകളിലെത്തി അഭിനന്ദനം അറിയിച്ചു.*