ഇത്തവണത്തെ തൃശ്ശൂര് പൂരം സ്ത്രീ സൗഹൃദമായിരിക്കുമെന്ന് റവന്യൂ മന്ത്രി കെ.രാജന്. കുടമാറ്റം അടുത്ത് നിന്ന് കാണാന് സ്ത്രീകള്ക്ക് സൗകര്യം ഒരുക്കുമെന്നും മന്ത്രി പറഞ്ഞു.സിറ്റി പൊലീസ് കമ്മീഷണര് ആര്.ആദിത്യയുടെ നേതൃത്വത്തില് 300 വനിതാ പൊലീസുകാര് സുരക്ഷ ഉറപ്പാക്കാനുണ്ടാകും. സ്വരാജ് റൗണ്ടില് 5 ബുള്ളറ്റ് പെട്രോള് ടീം റോന്ത് ചുറ്റുമെന്നും മന്ത്രി അറിയിച്ചു.
ഒറ്റപ്പെട്ടു പോകുന്ന സ്ത്രീകളെ സഹായിക്കാന് 7 വാഹനങ്ങള് കുടുംബശ്രീയുടെ നേതൃത്വത്തിലുണ്ടാവും. നഗരത്തിലെത്തുന്ന സ്ത്രീകളെ സഹായിക്കാനും സംവിധാനമുണ്ടാക്കും.1515 നമ്ബറില് വിളിച്ചാല് എല്ലാ സഹായത്തിനും പിങ്ക് പൊലീസുണ്ടാകുമെന്നും റവന്യൂ മന്ത്രി മാധ്യമങ്ങളോട് പറഞ്ഞു.