കോഴിക്കോട്: കോഴിക്കോട് ഷിഗെല്ല ബാധിച്ച് നാലര വയസുകാരി മരിച്ചു. തലക്കുളത്തൂര് സ്വദേശി ബബീഷിന്റെ മകള് നിളയാണ് മരിച്ചത്. എല്കെജി വിദ്യാര്ത്ഥിയായിരുന്നു. കോഴിക്കോട് മെഡിക്കല് കോളേജ് ആശുപത്രിയില് ചികിത്സയിലായിരുന്നു.
ചൊവ്വാഴ്ചയായിരുന്നു കുട്ടിയെ മെഡിക്കല് കോളേജ് ആശുപത്രിയില് പ്രവേശിപ്പിച്ചത്. ഇന്നലെയാണ് രോഗം സ്ഥിരീകരിച്ചത്. ചികിത്സയ്ക്കിടെ ഇന്ന് രാവിലെയായിരുന്നു മരണം സംഭവിച്ചത്. പോസ്റ്റ്മോര്ട്ടം നടപടികള്ക്ക് ശേഷം മൃതദേഹം ബന്ധുക്കള്ക്ക് വിട്ടുനല്കും.
ദഹന വ്യവസ്ഥയുടെ പ്രവര്ത്തനത്തെ ബാധിക്കുന്ന അണുബാധയാണ് ഷിഗെല്ല. ഷിഗെല്ല വിഭാഗത്തില്പ്പെടുന്ന ബാക്ടീരിയയാണ് ഷിഗെല്ലോസിസ് അഥവാ ഷിഗെല്ല രോഗത്തിന് കാരണമാകുന്നത്. ഒന്ന് മുതല് മൂന്ന് ദിവസം വരെയാണ് ഇന്ക്യുബേഷന് പിരീഡ്. പനി, വയറുവേദന, ഛര്ദ്ദി, വയറിളക്കം, ക്ഷീണം, വിശപ്പില്ലായ്മ എന്നിവയാണ് രോഗലക്ഷണങ്ങള്.
