പ്രശസ്ത തിരക്കഥാകൃത്തും നിര്മ്മാതാവുമായ ജോണ് പോള് അന്തരിച്ചു. 72 വയസായിരുന്നു. കൊച്ചിയിലെ സ്വകാര്യ ആശുപത്രിയില്വെച്ചായിരുന്നു അന്ത്യം. നൂറിലധികം ചിത്രങ്ങള്ക്ക് തിരക്കഥയൊരുക്കിയിട്ടുണ്ട്.
കാതോടു കാതോരം, കാറ്റത്തെ കിളിക്കൂട്, യാത്ര, മാളൂട്ടി, ഉണ്ണികളെ ഒരു കഥ പറയാം, ഒരു മിന്നാമിനുങ്ങിന്റെ നുറുങ്ങുവെട്ടം, ഉത്സവപ്പിറ്റേന്ന്, പുറപ്പാട്, കേളി, ചമയം, ഒരു യാത്രാമൊഴി, അതിരാത്രം, ഓര്മയ്ക്കായ്, ഇത്തിരിപ്പൂവേ ചുവന്ന പൂവേ, ആലോലം, ഇണ, അവിടത്തെപ്പോലെ ഇവിടെയും, ഈ തണലില് ഇത്തിരിനേരം, ഈറന് സന്ധ്യ തുടങ്ങിയ മനോഹരചിത്രങ്ങള് ജോണ്പോളിന്റെ തൂലികയില് വിരിഞ്ഞവയാണ്.
കമല് സംവിധാനം ചെയ്ത പ്രണയമീനുകളുടെ കടല് എന്ന ചിത്രത്തിന്റെ തിരക്കഥയാണ് ഒടുവില് എഴുതിയത്.