മീനിൽ ഫോർമാലിൻ, അമോണിയ തുടങ്ങിയ രാസവസ്തുക്കൾ ചേർക്കുന്നതായുള്ള വ്യാപക പരാതിയെ തുടർന്ന് ഭക്ഷ്യസുരക്ഷാ ഉദ്യോഗസ്ഥർ തലശേരിയിൽ പരിശോധന നടത്തി. ഫോർമാലിന്റെ അംശം ഉണ്ടോ എന്നറിയാനുള്ള ഫോർമാലിൻ സ്ട്രിപ്പ് ഉപയോഗിച്ചാണ് പരിശോധന. സാമ്പിൾ ശേഖരിച്ച് മൊബെെൽ ടെസ്റ്റിങ് ലാബിലും പരിശോധന നടത്തി. ഉദ്യോഗസ്ഥരായ വിമല മാത്യു, കെ വിനോദ് കുമാർ, എ കെ ഷീജ, എ വി സുരേഷ് ബാബു, എം കുഞ്ഞിക്കണ്ണൻ, ഷാജി സത്യൻ എന്നിവരാണ് പരിശോധന സംഘത്തിലുണ്ടായത്. മാഹി, ധർമടം തുടങ്ങിയ കേന്ദ്രങ്ങളിലും വരും ദിവസങ്ങളിൽ പരിശോധനയുണ്ടാവും.
previous post