സംസ്ഥാനത്ത് ബസ്, ഓട്ടോ- ടാക്സി ചാർജ് നിരക്ക് വർധിപ്പിച്ചു. നിരക്ക് വർധന സംബന്ധിച്ച ഉദ്യോഗസ്ഥതല സമിതിയുടെ റിപ്പോർട്ടിന് മന്ത്രിസഭാ യോഗം അംഗീകാരം നൽകി. മേയ് ഒന്നിനു നിരക്കുവർധന നടപ്പിൽ വരുത്തും.
മിനിമം ബസ് ചാർജ് എട്ടില് നിന്ന് പത്ത് രൂപയാക്കി. കിലോമീറ്റർ നിരക്ക് ഒരു രൂപയാകും. ഓട്ടോയുടെ മിനിമം നിരക്ക് 25ല് നിന്ന് 30 രൂപയായും ഉയർത്തി. 1500 സിസിക്ക് മുകളിലുള്ള ടാക്സികളുടെ മിനിമം നിരക്ക് 200 രൂപയില് നിന്ന് 225 രൂപയുമാക്കി.