ദീർഘദൂര സർവീസുകൾക്കുള്ള കെഎസ്ആർടിസി സ്വിഫ്റ്റിൽ ആദ്യം ടിക്കറ്റ് റിസർവ് ചെയ്യുന്ന 100 യാത്രക്കാർക്ക് മടക്കയാത്ര സൗജന്യം. ഇത്തരത്തിൽ ലഭിക്കുന്ന റിട്ടേണ്‍ ടിക്കറ്റ് ഉപയോഗിക്കുന്നതിനു മൂന്നു മാസത്തെ സാവകാശവും ലഭിക്കും.
ഈ മാസം 11ന് സർവീസ് ആരംഭിക്കുന്നതിനു മുന്നോടിയായി സീറ്റ് റിസർവേഷൻ ആരംഭിച്ചിട്ടുണ്ട്.
തിരുവനന്തപുരം-ബംഗളുരു റൂട്ടിൽ സ്വിഫ്റ്റ് എസി സർവീസുകൾ www.online.kerala rtc.com എന്ന വെബ്സൈറ്റ് വഴിയും enteksrtc എന്ന മൊബൈൽ ആപ് വഴിയും യാത്രക്കാർക്ക് ടിക്കറ്റുകൾ ബുക്ക് ചെയ്യാം. ആദ്യ 100 യാത്രക്കാർക്ക് മടക്കയാത്ര ടിക്കറ്റ് സൗജന്യമായി നൽകുന്നതിനോടൊപ്പം സമ്മാനവും ആദ്യ യാത്രാ സർട്ടിഫിക്കറ്റും നൽകും. ആകെ 100 പേർക്കാണ് ഉദ്ഘാടന ആനുകൂല്യം ലഭിക്കുക.