അന്താരാഷ്ട്ര വിപണയിൽ ക്രൂഡ് വില കുത്തനെ കുറയുന്നു. ബ്രെന്‍റ് ക്രൂഡ് വില 107 ഡോളറിലേക്കാണ് താഴ്ന്നത്. ഈ മാസം ആദ്യം വില 127 ഡോളർ വരെ ഉയർന്നിരുന്നു.
അതേസമയം, ക്രൂഡ് വില കുത്തനെ താഴാൻ തുടങ്ങിയതോടെ ഇന്ത്യയിൽ പെട്രോൾ, ഡീസൽ വില വർധിപ്പിക്കാനാണ് എണ്ണക്കമ്പനികൾ നീക്കം നടത്തുന്നത്. ഇതിന് കേന്ദ്ര സർക്കാർ മൗനാനുവാദവും നൽകിയിരിക്കുകയാണ്. എല്ലാ ദുരിതവും ജനങ്ങൾ നേരിടട്ടെ എന്ന നിലയിലാണ് സർക്കാരുകളുടെ പ്രവർത്തനം.
വ്യാഴാഴ്ച പെട്രോള് ലിറ്ററിന് 87 പൈസയും ഡീസലിന് 84 പൈസയുമാണ് വര്‍ധിച്ചത്. 11 ദിവസത്തിനിടെ പെട്രോളിന് 6.98 രൂപയും ഡീസലിന് 6.74 രൂപയുമാണ് കൂടിയത്.
അഞ്ച് സംസ്ഥാനങ്ങളിലെ തെരഞ്ഞെടുപ്പിനെത്തുടർന്ന് കഴിഞ്ഞ നാല് മാസമായി ഇന്ധനവില വർധിപ്പിച്ചിരുന്നില്ല. ഫല പ്രഖ്യാപനത്തിന് പിന്നാലെയാണ് ഇന്ധനവില കുത്തനെ ഉയരുമെന്ന് റിപ്പോർട്ടുകളുണ്ടായിരുന്നെങ്കിലും ഒരാഴ്ച കഴിഞ്ഞതോടെയാണ് എണ്ണക്കമ്പനികൾ വീണ്ടും വില വർധിപ്പിച്ച് തുടങ്ങിയത്.