ഇരിട്ടി: മലയോര ഗ്രാമങ്ങളിലേക്ക് കര്‍ണാടക വനാന്തരങ്ങളില്‍ നിന്നും കാട്ടാന ഉള്‍പ്പെടെയുള്ള വന്യമൃഗങ്ങളുടെ കടന്നുവരവ് തടയുന്നതിനായി സ്ഥാപിച്ച ഫെന്‍സിംഗിന്‍റെ തകരാറുകള്‍ പരിഹരിക്കുന്നതിനായി ജനകീയ കൂട്ടായ്മ രംഗത്തിറങ്ങി. പേരട്ട മേഖലയിൽ ഉൾപ്പെടെയുള്ള പ്രവൃത്തിയുടെ ഉദ്ഘാടനം സജീവ് ജോസഫ് എംഎല്‍എ നിർവഹിച്ചു.
ഉളിക്കല്‍ പഞ്ചായത്ത് പ്രസിഡന്‍റ് പി.സി. ഷാജി അധ്യക്ഷത വഹിച്ചു. വാര്‍ഡ് മെമ്പര്‍ അഷ്റഫ് പാലിശേരി പേരട്ട വാര്‍ഡ് മെംബർ ബിജു വെങ്ങലപ്പള്ളി, ഫാ. തോമസ് കിടാരത്തില്‍, കുഞ്ഞിമുഹമ്മദ് ഹാജി, ബെന്നി കോച്ചേരി, ഹംസ പുല്ലാട്ട്, കെ.വി. അഷ്റഫ്, ജൂബി നെല്ലൂര്‍ തുടങ്ങിയവർ പ്രസംഗിച്ചു.
ജനകീയ പ്രതിരോധ പ്രവര്‍ത്തനങ്ങളുടെ ഭാഗമായി മലയോര മേഖലയില്‍ തൂക്ക് ഫെന്‍സിംഗ് ഉള്‍പ്പെടെ സ്ഥാപിച്ചിട്ടുമുണ്ട്. കാടു വളര്‍ന്നതു മൂലം പലപ്പോഴും ഫെന്‍സിംഗ് തകരാറിലാവുന്നതും പതിവാകുന്നുമുണ്ട്. ഈ സാഹചര്യത്തിൽ ജനകീയ കൂട്ടായ്മയില്‍ കാടു വയക്കല്‍ പ്രവര്‍ത്തനങ്ങളും ഊജിതമാക്കി.
ഫെന്‍സിംഗിന്‍റെ തകരാറുകള്‍ പരിഹരിക്കാൻ ജനകീയ കൂട്ടായ്മ
