സ്കൂൾ തുറക്കൽ ജൂൺ ഒന്നിനുതന്നെയെന്ന് മന്ത്രി വി. ശിവൻകുട്ടി. പ്രവേശനോത്സവം നടത്തിയാകും സ്കൂൾ തുറക്കുക.
സ്കൂൾ തുറക്കുന്നതിന് മുന്നോടിയായി ഡിജിറ്റൽ ഉപകരണങ്ങളുടെ പ്രവർത്തനം ഉറപ്പുവരുത്തുന്നതിന് ഡിജിറ്റൽ ക്ലിനിക്കുകളുടെ സേവനം സ്കൂളുകളിലുണ്ടാവും. അധ്യാപക-രക്ഷാകർത്തൃ സമിതികൾ പുനഃസംഘടിപ്പിക്കുന്നതിനും പ്രവർത്തനം കാര്യക്ഷമമാക്കുന്നതിനും വിശദമായ മാർഗരേഖ പുറത്തിറക്കുമെന്നും മന്ത്രി പറഞ്ഞു.
എസ്.സി.ഇ.ആർ.ടി., എസ്.എസ്.കെ. തുടങ്ങിയ എല്ലാ ഏജൻസികളുടെയും അധ്യാപകസംഘടനകളുടെയും ഉന്നത ഉദ്യോഗസ്ഥരുടെയും യോഗം ചേരും. ഭിന്നശേഷിക്കുട്ടികളുടെ കഴിവുകൾ വർധിപ്പിക്കുന്നതിനുള്ള പ്രത്യേക പരിഗണന പുതിയ അധ്യയനവർഷത്തിൽ ഉണ്ടാകും.
previous post