മാർച്ച് 28, 29 തീയ്യതികളിൽ നടക്കുന്ന ദേശീയ പണിമുടക്കിൻ്റെ പ്രചരണാർത്ഥം സംയുക്ത ട്രേഡ് യൂണിയൻ കേളകം മേഖല കമ്മിറ്റിയുടെ ആഭിമുഖ്യത്തിൽ കാൽനട ജാഥ നടത്തി. നാനാനി പൊയിലിൽ സിഐടിയു ഏരിയ സെക്രട്ടറി പി.വി.പ്രഭാകരൻ ഉദ്ഘാടനം ചെയ്തു. കേളകത്ത് നടത്തിയ സമാപന പൊതുയോഗം ടി.വിജയൻ ഉദ്ഘാടനം ചെയ്തു. ജാഥാ ലീഡർ കെ.എം ജോർജ്, കെ പി ഷാജി, സന്തോഷ് പി.ജി, എൽദോ, കെ ജി ബാബുരാജ് എന്നിവർ വിവിധ കേന്ദ്രങ്ങളിൽ പ്രസംഗിച്ചു.