ശബരിമല പൈങ്കുനി ഉത്രം മഹോത്സവത്തോടനുബന്ധിച്ച് വ്യാഴാഴ്ച പള്ളിവേട്ട നടക്കും. ദീപാരാധനയ്ക്കും അത്താഴപൂജയ്ക്കും ശേഷമാണ് ചടങ്ങ്. പതിനെട്ടിനാണ് ആറാട്ട്. വെള്ളി രാവിലെ ഒമ്പതിന് പമ്പയിലേക്ക് സന്നിധാനത്തുനിന്ന് ആറാട്ട് എഴുന്നള്ളത്ത് ആരംഭിക്കും. പമ്പയില് ദേവസ്വം ബോര്ഡ് പ്രസിഡന്റ് കെ അനന്തഗോപന്റെ നേതൃത്വത്തില് എഴുന്നള്ളത്തിനെ വരവേല്ക്കും. തന്ത്രിയുടെയും മേല്ശാന്തിയുടെയും മുഖ്യകാര്മികത്വത്തില് പമ്പയിലെ ആറാട്ടുകടവില് ചടങ്ങുകള് നടക്കും.
പമ്പ ഗണപതി കോവിലില്നിന്ന് പകല് 3.30ന് സന്നിധാനത്തേക്ക് തിരിച്ചെഴുന്നള്ളത്ത് പുറപ്പെടും. വൈകിട്ട് 6.30ന് വലിയ കാണിക്കയ്ക്ക് ശേഷം പൂജകള് നടക്കും. മാസപൂജയ്ക്ക് ശേഷം 19ന് നട അടയ്ക്കും.