കഴിഞ്ഞ രണ്ട് മാസങ്ങള്ക്കിടെ ഇറച്ചിക്കോഴിയുടെ വില 164 ലേക്ക് എത്തി.
കോഴിത്തീറ്റയുടെ വില വര്ധിച്ചതും ഉത്പാദനം കുറഞ്ഞതും ഫാമുകള് പൂട്ടുന്നതിന് കാരണമായി. വില ഇനിയും കൂടിയേക്കും. മുന് വര്ഷങ്ങളില് ഈ സമയത്ത് 90 രൂപയായിരുന്നു കോഴിയിറച്ചിക്ക്. രണ്ട് മാസം മുന്പ് വരെ 98 രൂപയില് നിന്നിരുന്ന വിലയാണ് ഇന്ന് 164 ലേക്ക് എത്തിയത്. കോഴിയിറച്ചി വില വര്ധിച്ചതോടെ വില്പനയിലും ഇടിവ് രേഖപ്പെടുത്തിയതായി കച്ചവടക്കാര് പറയുന്നു.
കോഴിവില ഉയര്ന്ന സാഹചര്യത്തില് ചിക്കന് വിഭവങ്ങള്ക്ക് വില വര്ധിപ്പിക്കുന്ന കാര്യത്തെ കുറിച്ച് ആലോചിക്കുകയാണ് ഹോട്ടല് ഉടമകളും.