സ്മാർട്ട് ഫോണും ഇന്റർനെറ്റ് കണക്ഷനും ഇല്ലാത്തവർക്ക് സാധാരണ ഫോണ് ഉപയോഗിച്ചും സാന്പത്തിക ഇടപാടുകൾ നടത്തുന്നതിനും ബാങ്ക് ബാലൻസ് അറിയുന്നതിനുമുള്ള യുപിഎ 123 പേ സംവിധാനത്തിന് തുടക്കമായി. ഓണ്ലൈൻ പേയ്മെന്റ് ആപ്ലിക്കേഷനുകളായ ഗൂഗിൾ പേ, ഫോണ് പേ, പേയ്ടിഎം എന്നിവയിൽ പണം ഇടപാടിന് ഉപയോഗിക്കുന്ന യുപിഐ (യൂണിഫൈഡ് പേയ്മെന്റ് ഇന്റർഫേസ്) സേവനം തന്നെയാണ് ഇവിടെയും ഉപയോഗിക്കുക.
റിസർവ് ബാങ്കാണ് ഇന്റർനെറ്റ് സൗകര്യം ഇല്ലാതെ ഉപയോഗിക്കാൻ കഴിയുന്ന യുപിഐ 123 പേ സംവിധാനം രാജ്യത്ത് അവതരിപ്പിക്കുന്നത്. ഇന്റർനെറ്റ് ലഭ്യമല്ലാത്ത സ്ഥലങ്ങളിൽ സ്മാർട്ട് ഫോണ് ഉപയോക്താക്കൾക്കും ഈ സൗകര്യം ഉപയോഗിക്കാം.
ഇന്റർനെറ്റ് സൗകര്യം ഇല്ലാത്ത സാധാരണ ഫോണ് ഉപയോഗിക്കുന്ന 40 കോടിയിൽ അധികം പേർ രാജ്യത്ത് ഉണ്ടെന്നാണ് കണക്കുകൾ.