സംസ്ഥാനത്ത് അന്തര്‍ദേശിയ നിലവാരത്തിലുള്ള വിദ്യാഭ്യാസം ഉറപ്പാക്കുമെന്ന് മുഖ്യമന്ത്രി പിണറായി വിജയന്‍. ഇതിനുള്ള ശ്രമത്തിലാണ് സര്‍ക്കാരെന്നും ഉന്നത വിദ്യാഭ്യാസ രംഗത്ത് ലോകോത്തര നിലവാരത്തിലുള്ള കൂടുതല്‍ സംരംഭങ്ങള്‍ വരണമെന്നും മുഖ്യമന്ത്രി പറഞ്ഞു.
വിദേശ രാജ്യങ്ങളില്‍ നിന്ന് വിദ്യാര്‍ത്ഥികള്‍ ഇവിടെയെത്തി പഠിക്കുന്ന സാഹചര്യമുണ്ടാകണം. അതിന് സര്‍ക്കാര്‍-സ്വകാര്യ മേഖലയില്‍ കൂടുതല്‍ സ്ഥാപനങ്ങള്‍ ആവശ്യമാണെന്നും മുഖ്യമന്ത്രി വ്യക്തമാക്കി.