ചൂഷണത്തിന് വിധേയരായ അവിവാഹിത അമ്മമാർക്ക് സഹായം നൽകുന്ന കേരള സാമൂഹ്യ സുരക്ഷ മിഷന്റെ സ്‌നേഹസ്പർശം പദ്ധതിയുടെ മാനദണ്ഡങ്ങൾ പരിഷ്‌കരിച്ചു. പുതിയ മാനദണ്ഡപ്രകാരം ധനസഹായം ബി.പി.എൽ വിഭാഗത്തിന് മാത്രമാകും. പ്രായപരിധി 60 വയസുവരെയാകും. നിലവിൽ ധനസഹായം ലഭിച്ചുകൊണ്ടിരിക്കുന്നവരും 2018 മുതൽ ധനസഹായത്തിനായി അപേക്ഷ സമർപ്പിച്ചിട്ടുള്ളവരും ആധാർ ബന്ധിപ്പിച്ചിട്ടുള്ള ബാങ്ക് പാസ്ബുക്ക്, ബി.പി.എൽ റേഷൻകാർഡ്, ആധാർ എന്നിവയുടെ സാക്ഷ്യപ്പെടുത്തിയ പകർപ്പ്, മേൽവിലാസം ഉൾപ്പെടെയുള്ള ലൈഫ് സർട്ടിഫിക്കറ്റ്, പ്രായം തെളിയിക്കുന്നതിനുള്ള സർട്ടിഫിക്കറ്റ്, ഫോൺ നമ്പർ, വിവാഹിതയല്ല എന്ന തെളിയിക്കുന്ന സർട്ടിഫിക്കറ്റ് എന്നിവ നേരിട്ടോ തപാൽ മുഖേനയോ 28.02.2022 ന് മുൻപായി ലഭ്യമാക്കണം. എന്നാൽ മാത്രമേ കുടിശ്ശികയുള്ള ധനസഹായം ഈ സാമ്പത്തിക വർഷം ലഭ്യമാക്കാൻ കഴിയു. ഫോൺ നം: 0471-2341200.
സ്‌നേഹസ്പർശം പദ്ധതി, രേഖകൾ നൽകണം
