പാലക്കാട്:
43 മണിക്കൂറിലധികമായി മലമ്പുഴയിലെ പാറയിടുക്കില് കുടുങ്ങിയ ബാബു(23)വിനെ സുരക്ഷിതനായി തിരികെയെത്തിക്കാനുള്ള ദൗത്യം വിജയത്തിലേക്ക്. സൈനിക കമാണ്ടോയായ ബാലായാണ് ബാബുവിന് അടുത്ത് എത്തിയത്. റോപ്പ് കെട്ടി ഒന്നിലേറെ സൈനികര് താഴേക്ക് കുതിക്കുകയായിരുന്നു. ഇതില് ബാലാ എന്ന സൈനികനാണ് ബാബുവിന് അടുത്തെത്തിയത്. ബാബുവിന് വെള്ളവും ഭക്ഷണവും നല്കിയ ബാല എല്ലാ അര്ത്ഥത്തിലും രക്ഷകനായി മാറി. ഇപ്പോൾ ബാബു മലമുകളിൽ എത്തി. ഉടനെ തന്നെ ആശുപത്രിയിലേക്ക് മാറ്റും.