പേരാവൂർ : ഹരിതകർമസേന വഴി പേരാവൂർ പഞ്ചായത്തിലെ വീടുകളിൽനിന്ന് രണ്ടുതവണയായി ശേഖരിച്ച പത്ത് ടണ്ണോളം ചില്ല് മാലിന്യം ക്ലീൻ കേരളയ്ക്ക് കൈമാറി. ഏഴുമാസത്തോളമായി ശുചിത്വമാലിന്യ സംസ്കരണ പ്രവർത്തനങ്ങൾ സർക്കാർ കലണ്ടർ പ്രകാരമാണ് പേരാവൂർ പഞ്ചായത്തിൽ നടക്കുന്നത്. ഓരോ മാസവും പ്ലാസ്റ്റിക്, കടലാസ് എന്നിവയ്ക്കുപുറമെ തുണി, ചില്ല്, ചെരിപ്പ്, ബാഗ്, ഇ-മാലിന്യങ്ങൾ തുടങ്ങിയവയും ശേഖരിക്കും. വാർഡംഗം യമുന, ഹരിതകേരള മിഷൻ റിസോഴ്സ്‌ പേഴ്സൺ നിഷാദ്‌ മണത്തണ എന്നിവർ നേതൃത്വ നൽകി. 