മട്ടന്നൂര്‍: വാഹനത്തിരക്കേറിയ മട്ടന്നൂര്‍ ജങ്ഷനിൽ സ്ഥാപിച്ച സിഗ്‌നല്‍ ലൈറ്റ് പ്രവര്‍ത്തനം തുടങ്ങിയില്ല. ഒന്നരമാസം മുമ്പ് ലൈറ്റുകള്‍ സ്ഥാപിച്ചിരുന്നെങ്കിലും ചുവന്ന ലൈറ്റ് മാത്രമാണ് തെളിയുന്നത്. ഗതാഗതക്കുരുക്ക് ഒഴിവാക്കുന്നതിനാണ് മട്ടന്നൂര്‍ ഇവ സ്ഥാപിച്ചത്. കണ്ണൂര്‍ വിമാനത്താവളം, ഇരിട്ടി, തലശ്ശേരി എന്നിവിടങ്ങളിലേക്കുള്ള വാഹനങ്ങള്‍ പോകുന്ന ട്രിപ്ള്‍ ജങ്ഷനിലാണ് ഗതാഗതനിയന്ത്രണത്തിന് ലൈറ്റ് സ്ഥാപിച്ചത്.സിഗ്‌നലിന്റെ പ്രവൃത്തി കഴിഞ്ഞ മാസം ആദ്യവാരത്തില്‍ തന്നെ പൂര്‍ത്തിയായിരുന്നെങ്കിലും പ്രവര്‍ത്തിച്ച് തുടങ്ങിയിട്ടില്ല.വിമാനത്താവളത്തിലേക്ക് ഉള്‍പ്പെടെ നൂറുകണക്കിന് വാഹനങ്ങള്‍ പോകുന്ന വഴിയാണിത്. ഇതിനിടെ ജങ്ഷനിൽ നിയന്ത്രണം വരുന്നതോടെ ഇരിക്കൂര്‍ റോഡ് കവലയിൽ ഗതാഗതക്കുരുക്ക് രൂക്ഷമാകുമെന്നും ആശങ്ക ഉയരുന്നുണ്ട്. ഇരിക്കൂര്‍, മരുതായി ഭാഗങ്ങളില്‍നിന്നുള്ള വാഹനങ്ങള്‍ കണ്ണൂര്‍ റോഡിലേക്ക് പ്രവേശിക്കുന്ന നഗരസഭ ഓഫിസ് റോഡിലും ഗതാഗതക്കുരുക്ക് പതിവാണ്.
മട്ടന്നൂരില്‍ ഗതാഗതക്കുരുക്ക് രൂക്ഷം; സിഗ്‌നല്‍ ലൈറ്റും മിഴിതുറന്നില്ല
