മാഹി: ഞായറാഴ്ച നിയന്ത്രണം പ്രഖ്യാപിച്ചതിനെ തുടർന്ന് മാഹി മേഖലയിലെ പെട്രോൾ പമ്പുകളിലും മദ്യശാലകളിലും ഇന്നലെ വൻ തിരക്കനുഭവപ്പെട്ടു.കഴിഞ്ഞ തിങ്കൾ മുതൽ കോവിഡ് വ്യാപന സാഹചര്യത്തിൽ വ്യാപാരം ഇവിടങ്ങളിൽ കുത്തനെ കുറഞ്ഞിരുന്നു. എന്നാൽ ഇന്നലെ രാവിലെ മുതൽ തന്നെ പ്രദേശത്തെ സ്ഥാപനങ്ങളിൽ വൻ തിരക്കാണ് അനുഭവപ്പെട്ടത്. നിരവധിപേർ കന്നാസുകളിലും ഇന്ധനം വാങ്ങി.