ഒന്നാമത് ജില്ലാ ഒളിന്പിക് ഗെയിംസ് ആർച്ചറി മത്സരത്തിൽ 49 പോയിന്റുമായി സാന്ത്വനം സ്പോർട്സ് ക്ലബ് ഓവർ ഓൾ ചാമ്പ്യന്മാരായി. സെന്റ് ജോസഫ് എച്ച്എസ്എസ് രണ്ടാം സ്ഥാനവും സെന്റ് തെരേസാസ് എഐജിഎച്ച്എസ്എസ് കണ്ണൂർ മൂന്നാം സ്ഥാനവും നേടി.
തൊണ്ടിയിൽ ജിമ്മി ജോർജ് സ്റ്റേഡിയത്തിൽ നടന്ന മത്സരം പേരാവൂർ ഗ്രാമപഞ്ചായത്ത് പ്രസിഡന്റ് പി.പി. വേണുഗോപാൽ ഉദ്ഘാടനം ചെയ്തു. വാർഡ് മെംബർ രാജു ജോസഫ് അധ്യക്ഷത വഹിച്ചു. ഡോ. ജഗന്നാഥൻ മുഖ്യാതിഥിയായിരുന്നു.
സമാപന സമ്മേളനത്തിൽ കണിച്ചാർ ഗ്രാമപഞ്ചായത്ത് പ്രസിഡന്റ് ആന്റണി സെബാസ്റ്റ്യൻ മുഖ്യാതിഥി ആയിരുന്നു. കണിച്ചാർ ഗ്രാമ പഞ്ചായത്ത് വൈസ് പ്രസിഡന്റ് ഷാന്റി തോമസ് സമ്മാനദാനം നിർവഹിച്ചു.
തങ്കച്ചൻ കോക്കാട്ട്, ഡോ. ജോസഫ് തോമസ്, വാർഡ് മെംബർ നൂറുദ്ദീൻ മുള്ളേരിക്കൽ, കെ.വി. സെബാസ്റ്റ്യൻ, വി.വി. തോമസ്, ടി.പി. എസ്തപ്പാൻ, രാജേഷ് ഉഴുന്നൻ, എന്നിവർ പങ്കെടുത്തു. ഫെബ്രുവരി 14 മുതൽ 24 വരെ തിരുവനന്തപുരത്ത് നടക്കുന്ന സംസ്ഥാന ഒളിന്പിക് ഗെയിംസിൽ വിജയികൾ മാറ്റുരയ്ക്കും.