അഡീഷണൽ ചീഫ് സെക്രട്ടറി ടിക്കാറാം മീണയ്ക്ക് സിവിൽ സപ്ലൈസ് കോർപറേഷൻ ചെയർമാന്റെ പൂർണ അധിക ചുമതല നൽകി. ആസൂത്രണ, സാന്പത്തികകാര്യ വകുപ്പുകളുടെ ചുമതലകൾക്ക് പുറമേയാണിത്.
നിലവിലുള്ള ചെയർമാനും മാനേജിങ് ഡയറക്ടറുമായ പി.എം. അലി അസ്ഗർ പാഷയെ കൃഷി സെക്രട്ടറിയായി മാറ്റി നിയമിച്ചു. കേന്ദ്ര ഡെപ്യൂട്ടേഷൻ കഴിഞ്ഞു മടങ്ങിയെത്തിയ എഡിജിപി ഡോ. സഞ്ജീവ് കുമാർ പട്ജോഷിയെ സിവിൽ സപ്ലൈസ് കോർപറേഷൻ മാനേജിംഗ് ഡയറക്ടറായി നിയമിച്ചു.
ഡപ്യൂട്ടേഷൻ വ്യവസ്ഥയിലാണ് നിയമനം. കോഴിക്കോട് സബ്കളക്ടർ വി. ചെൽസസിനിയ്ക്ക് ജൻഡർ പാർക്ക് ചീഫ് എക്സിക്യൂട്ടീവ് ഓഫീസറുടെ പൂർണ അധിക ചുമതല നൽകി.