എറണാകുളം ടൗണ്, കൊല്ലം ജംഗ്ഷന് സ്റ്റേഷന് പരിധിയില് എന്ജിനിയറിംഗ് ജോലികള് നടക്കുന്നതിനാല് വിവിധ ട്രെയിനുകള്ക്ക് നിയന്ത്രണം ഏര്പ്പെടുത്തി.
ഭാഗികമായി റദ്ദാക്കിയ ട്രെയിനുകള്: ചെന്നൈ എഗ്മോര്-ഗുരുവായൂര് എക്സ്പ്രസ് (16127) ശനിയാഴ്ചയും 13, 28 തീയതികളില് കൊല്ലത്തും, 15, 16, 17, 19 തീയതികളില് എറണാകുളം ജംഗ്ഷനിലും സര്വീസ് അവസാനിപ്പിക്കും. 22, 24, 27, 28, 29 തീയതികളില് നിലമ്പൂര്-കോട്ടയം എക്സ്പ്രസ് (16325), കണ്ണൂര്-എറണാകുളം ഇന്റര്സിറ്റി (16306) എന്നിവ ആലുവയിലും, ജനുവരി രണ്ടിന് പാലക്കാട്-തിരുനെല്വേലി പാലരുവി (16792) എക്സ്പ്രസ് കായംകുളം ജംഗ്ഷനിലും യാത്ര അവസാനിപ്പിക്കും.
വൈകുന്ന ട്രെയിനുകള്: കൊച്ചുവേളി-ലോക്മാന്യ തിലക് (22114) 16, 20 തീയതികളിലും, എറണാകുളം-പൂനെ സൂപ്പര് ഫാസ്റ്റ് (22149) 17നും, തിരുവനന്തപുരം-ഹസ്രത്ത് നിസാമുദ്ദീന് എക്സ്പ്രസ് (22653) 18നും എറണാകുളം നോര്ത്ത് യാര്ഡില് ഒരു മണിക്കൂര് പിടിച്ചിടും.