കൊല്ലം എഴുകോൺ നെടുമൺകാവ് വാക്കനാട് കൽച്ചിറ പള്ളിയ്ക്ക് സമീപം പൊട്ടിവീണ വൈദ്യുതി ലൈനിൽ നിന്ന് ഷോക്കേറ്റ് രണ്ട് വിദ്യാർഥികൾ മരിച്ചു . കരിക്കോട് ടി.കെ.എം എൻജിനിയറിങ് കോളേജ് നാലാം വർഷ വിദ്യാർഥികളായ തില്ലങ്കേരി സ്വദേശി മുഹമ്മദ് റിസിൻ ( 21 ) , കാഞ്ഞങ്ങാട് സ്വദേശി അർജുൻ ( 21 ) എന്നിവരാണ് മരിച്ചത് . തില്ലങ്കേരി ബൈത്തുൽ നൂറിൽ ടി . കബീറിന്റെയും കെ.പി. റംലയുടെയും മകനാണ് മരിച്ച റിസിൻ ( 21 ) ടി.കെ.എം കൊല്ലം എഞ്ചിനിയറിങ്ങ് കോളേജ് അവസാന വർഷ വിദ്യാർത്ഥിയാണ് . സഹോദരങ്ങൾ മുഹമ്മദ് സിനാൻ ( രണ്ടാം വർഷ ബിരുദ വിദ്യാർത്ഥി , സർ സയ്യദ് കോളേജ് തളിപറമ്പ് ) , മുഹമ്മദ് സജാദ് ( ഉസ്ലാഹു ഉലു കോളേജ് താനൂർ ) ,ശനിയാഴ്ച വൈകീട്ട് നാലരയോടെയാണ് അപകടം . അഞ്ച് വിദ്യാർഥികൾ ഒന്നിച്ചാണ് ഇവിടെയുള്ള കായലിന് സമീപത്തേക്കെത്തിയത് . അർജുനും റിസ്വാനുമാണ് ആദ്യം കൽപ്പടവിലേക്ക് ഇറങ്ങിയത് . കാൽതെറ്റി കായലിലേക്ക് വീഴാൻ പോയപ്പോൾ സമീപത്തെ പൊട്ടിവീണ വൈദ്യുത കമ്പിയിൽ പിടിക്കുകയായിരുന്നു . ഷോക്കേറ്റ് ഇരുവരും സംഭവ സ്ഥലത്തുതന്നെ മരിച്ചതായാണ് റിപ്പോർട്ട് . ഇരുവരുടെയും മൃതദേഹം പാരിപ്പള്ളി മെഡിക്കൽ കോളേജിലേക്ക് മാറ്റി സംഭവസമയം ഇവർക്കൊപ്പമുണ്ടായിരുന്ന മറ്റ് മൂന്നുപേരുടെ ആരോഗ്യസ്ഥിതി തൃപ്തികരമാണ് .
പൊട്ടിവീണ ലൈനിൽ നിന്ന് ഷോക്കേറ്റ് തില്ലങ്കേരി സ്വദേശിയടക്കം രണ്ട് വിദ്യാർഥികൾ മരിച്ചു
