ഇരിട്ടി: ന്യൂമോണിയ ബാധിച്ച് ചികിത്സയിലിരിക്കെ കെഎസ്ഇബി ലൈൻമാൻ മരിച്ചു. പടിയൂർ പുത്തൻപറമ്പിലെ അരയാക്കണ്ടി മനോഹരൻ (49) ആണ് കണ്ണൂർ ഗവ. മെഡിക്കൽ കോളജ് ആശുപത്രിയിൽ ചികിത്സയിലിരിക്കെ മരിച്ചത്. കോഴിക്കോട് ഫറോക്ക് കെഎസ്ഇബി സെക്ഷൻ ഓഫീസിൽ ലൈൻമാനായി ജോലി ചെയ്തുവരികയായിരുന്നു. ഇരിട്ടി, ഉളിക്കൽ എന്നീ സെക്ഷൻ ഓഫീസുകളിലും ലൈൻമാനായി ജോലി ചെയ്തിട്ടുണ്ട്. ഭാര്യ: രജിത. മക്കൾ: അനശ്വര, അനാമിക. സഹോദരങ്ങൾ: ബാലകൃഷ്ണൻ, രാമൻ, നന്ദിനി, സരോജിനി, രോഹിണി.