കൊട്ടിയൂർ കാറിടിച്ച് ഗുരുതരമായി പരിക്കേറ്റ പുള്ളിമാൻ ചത്തു . കൊട്ടിയൂർ കണ്ടപ്പുനം റോഡിൽ ഞായറാഴ്ച വൈകിട്ടാണ് കാർ ഇടിച്ച് ഗുരുതരമായി മാനിന് പരിക്കേറ്റത് . സംഭവത്തിൽ വനംവകുപ്പ് കാർ കസ്റ്റഡിയിലെടുത്തു . ഞായറാഴ്ച ഏഴ് മണിയോടെയാണ് സംഭവം .അപകടത്തിൽ കാറിന്റെ മുൻഭാഗം പൂർണ്ണമായി തകർന്നു . തളിപ്പറമ്പ് ഭാഗത്ത് നിന്ന് വയനാടിലേക്ക് പോവുകയായിരുന്ന വാഗണാർ കാറിനു മുന്നിലേക്ക് കൊട്ടിയൂർ കണ്ടപ്പുനം ഭവാനിക്കുന്നിന് സമീപം മാൻകൂട്ടം റോഡ് മുറിച്ച് കടക്കവെയാണ് എട്ട് വയസ്സ് പ്രായമുള്ള ആൺ മാനിനെ കാറിടിച്ചത് . തുടർന്ന് പരിക്കേറ്റ മാനിനെ കൊട്ടിയൂർ വെസ്റ്റ് സെക്ഷൻ ഫോറസ്റ്റ് ഓഫീസർ എ.കെ സുരേന്ദ്രന്റെ നേതൃത്വത്തിലുള്ള വനപാലക സംഘം കണ്ടപ്പുനം ഫോറസ്റ്റ് ഓഫീസിലേക്ക് മാറ്റുകയായിരുന്നു . പുറകുവശത്തെ കാലിനും വാരിയെല്ലിനും ഗുരുതരമായി പരിക്കേറ്റ മാൻ ഏഴരയോടെ ചത്തു . തുടർന്ന് തിങ്കളാഴ്ച രാവിലെ കൊളക്കാട് വെറ്റിനറി സർജൻ ജോൺസൺ പി ജോണിന്റെ നേതൃത്വത്തിൽ പോസ്റ്റുമാർട്ടം നടത്തി വനംവകുപ്പ് ഉദ്യോഗസ്ഥർ മറവു ചെയ്യും . കൊട്ടിയൂർ ഫോറസ്റ്റ് ഓഫീസർ എ.കെ സുരേന്ദ്രൻ , ബീറ്റ് ഫോറസ്റ്റ് ഓഫീസർമാരായ കെ.വി ഷിജിൻ , ഷൈജു.വാച്ചർമാരായി തോമസ് ബിനോയ് ഗോപി എന്നിവരുടെ നേതൃത്വം നൽകി.
കൊട്ടിയൂരിൽ കാറിടിച്ച് ഗുരുതരമായി പരിക്കേറ്റ പുള്ളിമാൻ ചത്തു
