വീടുവീടാന്തരം എത്തി വാക്സീൻ കുത്തിവയ്പു നടത്താൻ കേന്ദ്രസർക്കാരിനു നിർദേശം നൽകണമെന്ന ഹർജി സുപ്രീം കോടതി തള്ളി. യൂത്ത് ബാർ അസോസിയേഷനായിരുന്നു ഹർജിക്കാർ.
രാജ്യത്തെ 60% പേർക്കും ഒരു ഡോസ് വാക്സീനെങ്കിലും കിട്ടിയെന്നിരിക്കെ, ഇപ്പോഴത്തെ കുത്തിവയ്പ് യജ്ഞം റദ്ദാക്കി വീടുവീടാന്തരം നൽകണമെന്നാണോ ഹർജിക്കാർ ഉദ്ദേശിക്കുന്നതെന്ന് ജസ്റ്റിസ് ഡി.വൈ. ചന്ദ്രചൂഡ് അധ്യക്ഷനായ ബെഞ്ച് ചോദിച്ചു. രാജ്യത്തു പൊതുവായൊരു നിർദേശം നൽകാൻ കോടതിക്കു കഴിയില്ലെന്നും വ്യക്തമാക്കി.