നിർമ്മാണ പ്രവർത്തനങ്ങൾ പൂർത്തിയാകുന്നത് വരെ കഴക്കൂട്ടം-കാരോട് ബൈപ്പാസിൽ ടോൾ പിരിക്കുന്നത് പുനപരിശോധിക്കുന്നതിന് കേന്ദ്ര ഉപരിതല ഗതാഗത മന്ത്രാലയം തയ്യാറാകണമെന്ന് മന്ത്രി ജി.ആർ. അനിൽ ആവശ്യപ്പെട്ടു. ടോൾ പ്ലാസ മന്ത്രി സന്ദർശിച്ചു. പ്രദേശവാസികൾക്ക് ടോൾ സൗജന്യമാക്കണം. സർവീസ് റോഡുകൾ പൂർണമായി പ്രദേശവാസികൾക്ക് ഉപയോഗിക്കാനാകും വിധം ക്രമീകരിക്കണം. നാടിന്റെ പൊതു ആവശ്യത്തിനായി എല്ലാവരും ഒരുമിച്ച് നിൽക്കണമെന്ന് മന്ത്രി പറഞ്ഞു.