ഇരിട്ടി : ഉളിയിൽ തെക്കംപൊയിലിൽ കിണറിൽ വീണ യുവതിയെ രക്ഷപ്പെടുത്തിയ ഇരിട്ടി കെ എസ് ഇ ബി ജീവനക്കാരെ കൈരാതി കിരാത ക്ഷേത്രം ഭരണസമിതി അനുമോദിച്ചു. പ്രദേശത്ത് കെ എസ് ഇ പിയുമായി ബന്ധപ്പെട്ട തൊഴിലിൽ ഏർപ്പെട്ടിരിക്കെയാണ് തെക്കം പൊയിലിലെ സോണ എന്ന യുവതികിണറിൽ വീണത് ജീവനക്കാരായ സജിത്ത് വട്ട്യറ, കീഴൂർകുന്നിലെ ശശിധരൻ, ചാവശ്ശേരി സ്വദേശി സാബു , കേളകം സ്വദേശി സുധീഷ് എന്നിവരുടെ ശ്രദ്ധയിൽ പെടുന്നത്. ഇവർ അതിസാഹസികമായി സോണയെ കിണറിൽ നിന്നും പുറത്തെത്തിച്ച് രക്ഷിക്കുകയായിരുന്നു. ക്ഷേത്രമുറ്റത്ത് നടന്ന ചടങ്ങിൽ ക്ഷേത്രം രക്ഷാധികാരി വത്സൻ തില്ലങ്കേരി ഉപഹാരം നൽകി അനുമോദിച്ചു. പ്രസിഡണ്ട് പി. കരുണാകരൻ, കെ. രമേശൻ കീഴൂർ എന്നിവർ പങ്കെടുത്തു.
വൈദ്യുതി വകുപ്പ് ജീവനക്കാരെ അനുമോദിച്ചു
