ഇരിട്ടി: ഏതാനും കുടുംബങ്ങൾ സ്ഥലം വിട്ടുനൽകാതെ മുഖം തിരിഞ്ഞു നിന്നതോടെ പാതിവഴിയിൽ പുനർനിർമ്മാണം നിലച്ച ഇരിട്ടി മുനിസിപ്പാലിറ്റിയിലെ പ്രധാന റോഡുകളിലൊന്നായ പുന്നാട് – മീത്തലെപുന്നാട് – കാക്കയങ്ങാട് റോഡ് എത്രയും പെട്ടെന്ന് അധികൃതർ ഇടപെട്ട് സഞ്ചാര യോഗ്യമാക്കണ മെന്നാവശ്യപ്പെട്ട് ബി ജെ പി മുൻസിപ്പൽ കമ്മിറ്റിയുടെ നേതൃത്വത്തിൽ റോഡ് ഉപരോധിച്ചു. ജില്ലാ ജനറൽ സെക്രട്ടറി ബിജു ഏളക്കുഴി ഉപരോധസമരം ഉദ്ഘാടനം ചെയ്തു. ഏരിയ വൈസ് പ്രസിഡൻറ് പി. ജിനേഷ് അദ്ധ്യക്ഷത വഹിച്ചു. മണ്ഡലം പ്രസിഡൻ്റ് എം.ആർ. സുരേഷ്, സെക്രട്ടറി പ്രിജേഷ് അളോറ, ഒ ബി സി മോർച്ച ജില്ലാ ഉപാദ്ധ്യക്ഷൻ കെ. ശിവശങ്കരൻ, വാർഡ് കൗൺസിലർമാരായ എ.കെ. ഷൈജു , സി.കെ. അനിത, എൻ. സിന്ധു , പി. പവിത്രൻ എന്നിവർ സംസാരിച്ചു
previous post