ഇരിട്ടി: കർണാടകയിൽ നിന്നും കേരളത്തിലേക്ക് പച്ചക്കറി വാഹനത്തിൽ കടത്തിയ 230 ലിറ്റർ കർണാടക മദ്യം ഇരിട്ടി പോലീസ് പിടികൂടി. കർണ്ണാടക ഹുൻസൂർ സ്വദേശികളായ മുഹമ്മദ് ഹുസൈൻ, ഹിദായത്ത് എന്നിവർ അറസ്റ്റിൽ. ചൊക്ലിയിലേക്കാണ് മദ്യം കൊണ്ടുപോകുന്നതെന്ന് അറസ്റ്റിലായവർ പറഞ്ഞു. ഇരിട്ടി എസ് ഐ മാരായ കെ കെ രാജേഷ് കുമാർ, അബ്ബാസലി, ബില്ലി,ജൂനിയർ എസ് ഐ അഖിൽ, സിവിൽ പോലീസ് ഓഫീസർമാരായ റഷീദ്, ഷൗക്കത്ത്, സൗമ്യ കുര്യൻ എന്നിവരുടെ നേതൃത്വത്തിലായിരുന്നു മദ്യം പിടികൂടിയത്.