തിരുവനന്തപുരം: തിരഞ്ഞെടുപ്പ് കമ്മീഷൻ പുറത്തിറക്കിയ വോട്ടർപട്ടികയിലെ പേര് വിവരങ്ങൾ വിദേശ വെബ്സൈറ്റിൽ പ്രസിദ്ധീകരിച്ച സംഭവത്തിൽ പൗരൻമാരുടെ സ്വകാര്യ വിവരങ്ങൾ പുറത്തുവിട്ടത് ഗൗരവമായ കുറ്റമാണെന്ന് കാണിച്ച് ബിജെപി സംസ്ഥാന ജനറൽ സെക്രട്ടറി ജോർജ് കുര്യൻ തിരഞ്ഞെടുപ്പ് കമ്മീഷന് പരാതി നൽകി. തിരഞ്ഞെടുപ്പ് കമ്മീഷന്റെ അനുമതിയില്ലാതെ പ്രതിപക്ഷനേതാവ് രമേശ് ചെന്നിത്തലയാണ് വിവരങ്ങൾ വിദേശ കമ്പനിക്ക് കൈമാറിയത്. ഇരട്ട വോട്ടുകൾ കണ്ടെത്തുന്നതിന് കെ.പി.സി.സി ആണ് വെബ്സൈറ്റ് നിർമ്മിച്ചത്. സിംഗപ്പൂർ ആസ്ഥാനമായ ഡേറ്റാ ഡെവലപ്പർ കമ്പനിയുടേതാണ് വെബ്സൈറ്റ്. രമേശ് ചെന്നിത്തലയ്ക്കും കെ.പി.സി.സി.ക്കും എതിരെ പോലീസ് നടപടി സ്വീകരിക്കണമെന്ന് ബിജെപി ആവശ്യപ്പെട്ടു.