ഇരിട്ടി: പൊതുവിദ്യാഭ്യാസ വകുപ്പ് സമഗ്ര ശിക്ഷാ കേരളം ( എസ് എസ് കെ ) സംഘടിപ്പിച്ച നേർക്കാഴ്ച്ച ചിത്രരചനാ മത്സരത്തിൽ അധ്യാപക വിഭാഗത്തിൽ ഇരിട്ടി നേരംപോക്ക് കാവുള്ളപുരയിൽ കെ.പി. പ്രകാശൻ മാസ്റ്റർ ഒന്നാം സ്ഥാനം നേടി. ഇരിക്കൂർ സബ് ജില്ലയിലെ പൈസക്കരി ദേവമാതാ ഹൈസ്കൂളിലെ ചിത്രകലാധ്യാപകനാണ് .
കണ്ണൂർ ബ്രഷ്മാൻ സ്കൂൾ ഓഫ് ആർട്സിൽ നിന്നും പഠനം പൂർത്തിയാക്കിയ ശേഷം കടത്തുംകടവ് സെൻ്റ് ജോൺ ബാപ്പിസ്റ്റ് ഇ എം എച്ച് എസ് എസ്, കൊളക്കാട് സാൻതോം ഹയർ സെക്കണ്ടറി സ്കൂൾ എന്നിവിടങ്ങളിൽ ചിത്രകലാധ്യാപകനായി ജോലി ചെയ്തിട്ടുണ്ട്. 2018 മുതൽ ആണ് പൈസക്കരി ദേവമാതാ ഹൈസ്ക്കൂളിൽ ചിത്രകലാധ്യാപകനായി ജോലി ചെയ്തുവരുന്നത്. ചിത്രകലാധ്യാപകൻ എന്നതിനൊപ്പം സ്കൗട്ട് അധ്യാപകൻ കൂടിയാണ് പ്രകാശൻ മാസ്റ്റർ.