കെട്ടിട നിർമ്മാണ തൊഴിലാളി കെട്ടിടത്തിൽ നിന്നും വീണു മരിച്ചു

ഇരിട്ടി: കെട്ടിട നിർമ്മാണ തൊഴിലാളി കെട്ടിടത്തിനു മുകളിൽ നിന്നും വീണു മരിച്ചു. പെരിങ്കരിയിലെ ബിനോയ് വാഴയിൽ(50) ആണ് മരിച്ചത്. ബുധനാഴ്ച രാവിലെ 11 മണിയോടെ ആയിരുന്നു അപകടം. വളോരയിൽ കെട്ടിട നിർമ്മാണ ജോലിക്കിടെ കെട്ടിടത്തിന് മുകളിൽ നിന്നും താഴെ വീണ ബിനോയിയെ ആദ്യം ഇരിട്ടി താലൂക്ക് ആശുപത്രിയിലും പിന്നീട് കണ്ണൂർ ജില്ലാ ആശുപത്രിയിലും പ്രവേശിപ്പിച്ചെങ്കിലും മരണപ്പെടുകയായിരുന്നു. അമ്മ: കുട്ടിയമ്മ. സഹോദരങ്ങൾ: ലിസ്സി, ആഗ്നസ്, രാജു(വിളമന), രാജേഷ് (പെരിങ്കരി). മൃതദേഹം കണ്ണൂർ ജില്ലാ ആശുപത്രിയിലെ പോസ്റ്റ്മോർട്ടത്തിന് ശേഷം വ്യാഴാഴ്ച ഉളിക്കലിൽ എത്തിച്ചു 11 മണിയോടെ പൊയ്യൂർക്കരി ശ്മശാനത്തിൽ സംസ്കരിക്കും.