കോളയാട് വനത്തിനുള്ളിൽ നിന്നും കണ്ടെത്തിയ മൃതദേഹം ആരുടേതെന്ന് ഇനിയും തിരിച്ചറിയാനായില്ല

കോളയാട്: കോളയാട് പഞ്ചായത്ത് മിനി സ്റ്റേഡിയത്തിന് സമീപം ചാളക്കൽ വനത്തിനുള്ളിൽ ഞായറാഴ്ച വൈകുന്നേരത്തോടെ കണ്ടെത്തിയ അജ്ഞാത മൃതദേഹം ആരുടേതെന്ന് ഇനിയും തിരിച്ചറിയാനായില്ല. 45 നും 50 നും ഇടയിൽ പ്രായം തോന്നിക്കുന്ന പുരുഷന്റെ മൃതദേഹമാണ് വനത്തിനുള്ളിൽ നിന്നും കണ്ടെത്തിയത്. മൃതദേഹത്തിന് അഞ്ച് ദിവസത്തോളം പഴക്കമുണ്ട്. മൃതദേഹത്തിന് സമീപത്തു നിന്നും വിഷത്തിന്റേതെന്ന് കരുതുന്ന ഒരു കുപ്പിയും പോലീസ് കണ്ടെത്തിയിരുന്നു. വിഷം കഴിച്ച് ആകാം മരണമെന്നാണ് പോലീസിന്റെ നിഗമനം. കണ്ണവം പോലീസ് സ്ഥലത്തെത്തി ഇൻക്വസ്റ്റ് നടത്തിയ മൃതദേഹം തലശ്ശേരി ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.