കായംകുളത്ത് ബൈക്കും മിനി ലോറിയും കൂട്ടിയിടിച്ച് അപകടം; യുവാവിന് ദാരുണാന്ത്യം

ആലപ്പുഴ: കായംകുളത്ത് വാഹനാപകടത്തിൽ ബൈക്ക് യാത്രക്കാരൻ മരിച്ചു. മുക്കടയിൽ ബൈക്കും മിനി ലോറിയും കൂട്ടിയിടിച്ചാണ് അപകടമുണ്ടായത്. വള്ളികുന്നം കടുവങ്കൽ പ്രേംനവാസിൽ സുധീഷ് പി എസ് (38) ആണ് മരിച്ചത്. ഇന്ന് വൈകിട്ട് 4.30 ഓടെ ദേശീയപാതയിൽ കായംകുളം മുക്കട ജംഗ്ഷന് സമീപമാണ് അപകടമുണ്ടായത്. സുധീഷിനെ ഉടന്‍ ആശുപത്രിയിൽ എത്തിച്ചെങ്കിലും ജീവന്‍ രക്ഷിക്കാനായില്ല.