ഉപതെരഞ്ഞെടുപ്പ് പോര് മുറുകി; പ്രചാരണം ശക്തമാക്കാൻ മുന്നണികൾ‌

മൂന്ന് മുന്നണികളുടെയും സ്ഥാനാർഥികളെ പ്രഖ്യാപിച്ചതോടെ ഉപതെരഞ്ഞെടുപ്പ് പോര് മുറുകി. ശക്തമായ മത്സരം നടക്കുന്ന പാലക്കാട് ബിജെപി സ്ഥാനാർഥി സി കൃഷ്ണകുമാറിന്റെ തെരഞ്ഞെടുപ്പ് പ്രചരണം മെട്രോമാൻ ഇ ശ്രീധരനെ വീട്ടിൽ സന്ദർശിച്ച് തുടങ്ങും. വൈകീട്ട് സി കൃഷ്ണകുമാറിന്റെ റോഡ് ഷോയും നടക്കും. രാഹുൽ മാങ്കൂട്ടത്തിൽ രാവിലെ കോട്ടമൈതാനത്ത് നിന്ന് പ്രചാരണം ആരംഭിക്കും. വിവാഹവീടുകളും ആരാധനാലയങ്ങളും സന്ദർശിക്കും. മണ്ഡലത്തിലെ പൗരപ്രമുഖരെ കണ്ടാണ് ഡോ പി സരിൻ തുടങ്ങുക.