ഇന്ന് വൈകിട്ട് 5.30ഓടെയാണ് സംഭവം. കൊച്ചിയിൽ നിന്നും ഹൈദരാബാദിലെത്തിയതായിരുന്നു വിനായകൻ. അവിടെ നിന്നും ഗോവയ്ക്ക് വിനായകന് കണക്ഷൻ ഫ്ലൈറ്റ് ഉണ്ടായിരുന്നു. ഇതിനിടെ, ഹൈദരാബാദ് എയര്പോര്ട്ടിലെ ട്രാന്സിറ്റ് ഏരിയയിൽ വെച്ച് വിനായകൻ സിഐഎസ്എഫ് ഉദ്യോഗസ്ഥരോട് ബഹളം വെക്കുകയായിരുന്നുവെന്നാണ് പൊലീസ് പറയുന്നത്. സിഐഎസ്എഫ് ഉദ്യോഗസ്ഥരും വിനായകനുമായി വാക്ക് തർക്കം ഉണ്ടായി. ഉന്തും തള്ളും ഉണ്ടായതിനെ തുടർന്ന് സിഐഎസ്എഫ് കസ്റ്റഡിയിലെടുത്ത് ഹൈദരാബാദ് പൊലീസിന് കൈമാറുകയായിരുന്നു.
തുടര്ന്ന് വിനായകനെ പൊലീസ് കസ്റ്റഡിയിലേക്ക് മാറ്റുകയും ചെയ്തു. അതേസമയം, സിഐഎസ്എഫ് ഉദ്യോഗസ്ഥര് തന്നെ കയ്യേറ്റം ചെയ്തുവെന്നും മര്ദിച്ചുവെന്നും വിനായകൻ ആരോപിച്ചു. കേസെടുത്തശേഷം വിനായകനെ സ്റ്റേഷൻ ജാമ്യത്തിൽ വിട്ടയക്കുകയായിരുന്നു.